среда, 14 ноября 2018 г.

Тәжібаев Бәкір

Тәжібаев Бәкір

(1926-1994)
15 мамырда Ақтөбе облысы, Байғанин ауданы, Ақбұлақ ауылында дүниеге келген. 1941 жылдан бастап Темірдің педагогика училищесінде оқып, кезінде Жұрын аудандық  (қазіргі Мұғалжар) газеті редакциясында, аудандық комсомол комитетінде қызмет істеген. 1950 жылы Алматы театр-сурет училищесі жанындағы киноактерлік бөлімді бітіргеннен кейін, бірталай жыл Жамбыл, Шымкент облыстық театрларында актерлікпен шұғылданған. 1958 жылдан Абай атындағы Қазақ опера және балет театрында  әдеби бөлімнің меңгерушісі, кейін Алматы облыстық халық шығармашылығы үйінде, Қазақ КСР театр қоғамында қызмет істейді.
Бірнеше жыр жинақтарының, әндер мен 150-дей ән мәтіндерінің, драмалық шығармалардың авторы.  Оның өз орындауындағы әндері «Мелодия» фирмасынан күйтабақ болып шыққан. Бірқатар әндері Қытай, Монғолия, Түркия, Ауғанстан, Иран т,б, елдерде тұратын қазақтар арасында кеңінен тарап, сүйікті әндеріне айналған.
Тәжібаев Б: Өмірбаян // Қазақстан  Жазушылары анықтамалық / Құраст.ҚамшыгерС. Жұмашева Қ. -Алматы: Ан-арыс, 2009,-380 б.
Тәжібаев Б. Қараторғай: Новеллалар. -Алматы: Жазушы, 1967.
Тәжібаев Б. Біздің Роза: Очерктер.-Алматы: Қазақстан, 1969.
Тәжібаев Б. Сахна жұлдыздары: Портреттер.- Алматы: Жалын, 1977.
Тәжібаев Б. Балбұлақ: Өлеңдер.-Алматы: Жазушы,1969.-82 б.
Тәжібаев Б. Ән-дәурен: Өлеңдер.- Алматы: Жазушы, 1973.
Тәжібаев Б. Жүріп келем: Өлеңдер. -Алматы: Жазушы, 1976 .
Тәжібаев Б. Дала жолдары: Өлеңдер. -Алматы: Жазушы,1980.-100 б.
Тәжібаев Б. Жыр – жолаушы: Өлеңдер.-Алматы: Жазушы,1982.
Тәжібаев Б. Ақбұлақ: Өлеңдер.-Алматы: Жазушы, 1985.  
Тәжібаев Б. Қараторғай: Новеллалар.-Алматы: Жазушы, 1967.
Тәжібаев Б: Өлеңдер // Т.9. Ақтөбе кітапханасы. сериясы. –Ақтөбе: Шамшырақ-Ақтөбе, ЖШС, 2011.-288 б.  
Тәжібаев Б: Өмірбаян мен өлеңдері // Жәдігер. Ақтөбе өңірінің әдеби антологиясы / Ред.алқасының төрағасы Сағындықов Е.- Ақтөбе, 2006.-122 б.
Ашықбаев Е: Ақбұлақ –аға. [Б.Тәжібаевтың 80 жылдығына арналған] / Ақтөбе. -2006.-12 мамыр.
Оспан С: Қалың қауымға сүйікті еді [Жазушы,әрі сазгер Б.Тәжібаев туралы] / -Егемен Қазақстан, 2006.-11 қазан.
Айымбетов М: Әуенге әлдиленген ақын. [Б.Тәжібаевтың туғанына 70 жыл] / - Қазақ әдебиеті.- 1996.-24 желтоқсан.
                                                     
                                      Туған елім, сенде өстім...
 Туған елім, сенде өскен бақ талабым,
Сенімімді дей көрме ақтамадың!
Құрманғазы күйі еді –сүйінгенім,
Абай ақын жыры еді –жаттағаным!

Өз ортаңнан қуғаным сауық еді,
Ән мен күйді сүйетін, қауымды елім.
Шаттық кештім десем де кей шақтары,
Шағылған да кезім бар тауым менің.

Ұл-қызыңа, жан өлке, жай құлашты,
Қызығумен көркіңе қайрылмас кім?
Думанды елім, сен үшін тірлігімде
Домбыра мен қаламнан айрылмаспын!       

                                                                 *        *        *
                                              Күнде алға жетелеп ізгі арманым,
                                              Жинап жүрмін жырымның қызғалдағын.
                                              Еңбектеніп келемін өз әлімше,
                                              Мен бақытын өзгенің қызғанбадым.
                                              Тұлпарымен талаптың ағындадым,
                                              Сәуле шашқан шырақтай жалындадым.
                                              Қарапайым қалпымда күн кешемін,
                                              Атақ үшін ешкімге табынбадым.
                                              Жақсылық пен жамандық арасының,
                                              Жайын байқап, сүйетін жан асылын,
                                              Кең даланың төрінде терін төккен,
                                              Қарапайым қазақтың баласымын!
                                              Достарымнан жұп жазбай күндей күлдім,
                                              Қала кездім, қызықпен түзде жүрдім.
                                              Бақыт құсы маған да қонар-ау деп,
                                              Келер күннен күдерді үзбей жүрмін...
                                              Көкейімде ән-күйден жатыр ағын,
                                              Шабытымды шалғайдан шақырамын.
                                              Азаматтық борышты өтесем деп,
                                              Кейде таңды көз ілмей атырамын!
                                              Тәрбиелеп баптаған түлегіңді,
                                              Туған елім, тілеймін тілегіңді.
                                              Саған қарай садағын кім кезенсе,
                                              Қалқан етіп тосамын жүрегімді!

Комментариев нет:

Отправка комментария